कभी हां कभी ना!

कभी हां कभी ना! 

इ अरे तुला शाहरुख वगैरे काय आवडतो.. कसला फालतू आहे अरे तो, का..पण का आवडतो??... आपल्याला अशा अनेक प्रश्नांची उत्तर कधी देण्याची गरज वाटली नाही... फॅन आहे, आता काय करायचं ..त्यात एक्सप्लेन काय करायचं?  तो पिक्चर बनवत राहिला आपण ते बघत राहिलो. 

आज त्याच्या करियरला २५ वर्ष पूर्ण झाली असं माझ्यापेक्षा मोठी फॅन असलेली हिच्या पोस्ट वर वाचायला मिळालं. त्याची २५ वर्ष म्हणजे आपण हि पस्तिशी वगैरे च्या जवळ आली ये हा दुःखद भास सुद्धा  होऊन गेला! असो.. 

पण खरंच, हा अभिनेता का आवडायला लागला ह्या प्रश्नाचं (आणि लोकांच्या प्रोब्लेमचं) रूट कॉज ऍनालिसिस करायला घेतलं.. आणि साधारण २ सेकंदात उत्तर मिळालं ...  कभी हां कभी ना!

९४ मध्ये आलेला कभी हां कभी ना! हो.. हो इथूनच सुरवात झाली होती 'फॅन' चा जन्म व्हायला. कुंदन शाहचा अतिशय हलका फुलका कभी हां कभी ना! 

गोव्यामधल्या सुनीलची ती गोष्ट! हा सुनील माझ्यासारख्यांच्या अतिशय जवळचाच! मध्यमवर्गीय, अभ्यासात शून्य, आयुष्यात काय करायचं ह्याचा थांग पत्ता नसून हि मुलीवर मात्र जीवापाड प्रेम करणारा, आईबाबा , मित्र, गुंड  असा कोणाशीहीशी खोटं बोलून वेळ मारून नेणारा, मैत्रिणीसाठी मित्रांना गंडवणारा.. पण एवढं सगळं असूनही निरागस निर्मळ मनाचा , आपल्यामुळे फसवणूक झाल्याचं कळल्यावर स्वतःहून पुढे येऊन आपली चुक मानणारा!!   हे कसं सगळं आमच्याशी जुळतं मिळतं ... अभ्यासात लक्ष नाही , मित्रांमध्ये आपण एकदम दंगा करणार ए ,आमच्या आयुष्यात ज्या ज्या 'ऍना' आल्या त्यांचे आलरेडी 'ख्रिस' तयार असायचे!

शाहरुखनी ते सुनील चं कॅरॅक्टर अक्षरशः जिवंत केलं होतं..बाजा वाजवत इकडे तिकडे फिरणं, ऍनाबद्दल  स्टोऱ्या बनवून ख्रिसला (दीपक तिजोरी) गंडवणं, ऍनानी (सुचित्रा कृष्णमूर्ती)  त्याच्यासाठी काही गिफ्ट आणलं नाही म्हणल्यावर त्याचं ते रुसणं, आपल्यावर चिडलेल्या मित्रांचं चायना टाऊनमध्ये होत असलेली फजिती बघून आधी खुश होऊन पण मग वाईट वाटणं .. 'ख्रिसने केलेल्या विनोदावर ऍना च हसणं , तो रुसल्यावर ऍना नी त्याला समजावणं' आणि हे सगळं बघून सुनीलची झालेली 'जळजळ'  आणि खोट्या मार्कशीट वर दिलेली पार्टी बघून एका सेकंदात त्याचं अपराधीपणा डोळ्यात दाखवणं! शाहरुखनी प्रत्येक सिनमध्ये आपण अभिनेते आहोत हे सिद्ध केलं होतं! डोळ्यामधून अभिनय करताना त्यांनी मात्र त्याचा दर्जा दाखवला तो 'ए काश के हम' ह्या गाण्यात. 'ऍनाबरोबर क्रूजवर संध्याकाळी भेटायचं पूर्ण झालेलं स्वप्न ... त्याच बरोबर आपली चूक तिच्यासमोर उघडी पडण्याची भीती... ती उत्सुकता, तो आनंद, ते आश्चर्य ..' हे सगळे भाव त्यांनी डोळ्यात लीलया पेलले होते.. शेवटी आपल्याला किती ही ती आवडत असली तरी त्या दोघांचं लग्न लावून देणारा सुनील...  त्याच्याबद्दल वाईट वाटलंच पण शेवटी जुही चावला त्याला मिळाल्यावर चेहऱ्यावर गोड स्माईल आलं होतं .. त्याचा हा सुनील इतका भावला होता कि ९४ पासून हार्मोनिका वाजवत, हिरव्या रंगाचं जॅकेट घालून गोव्यातल्या छोट्या रस्त्यांवर बाईक फिरवायच स्वप्न मी मात्र  ९४ पासून बघितलंय!! 

आणि आयुष्यभर फोटो काढण्यासाठी ही 'पोज' आम्हाला दिल्याबद्दल धन्यवाद!!!

आणि अशी, ९४ला  सुरु झाली होती फॅन मुमेंट! ह्या पिक्चर मध्ये शेवटचा एक डायलॉग आहे, लाईफ मै कभी हान कभी ना  तो होता रहता है!! त्याच्या पिक्चर च्या बाबतीत पण आपलं असंच असायचं कभी (बऱ्याचदा) हा आणि कभी  ना असायचं .. कारण जोहर आणि फराह खान बरोबर केलेले टुकार सिनेमे मात्र  आपण कधी बघायचे प्रयत्न केले नाहीत. पण तरी फॅनपणा कमी नाहीच झाला. डियर जिंदगी, रईस आणि जब हॅरी मेट सेजल च्या ट्रेलर मधून शाहरुख मधला अभिनेता पुन्हा जागा झाला आहे विश्वास आपल्याला वाटायला लागलाय..देव कृपेने ते तसंच असो!

राज,राहुल,मोहन भार्गव,जहांगीर खान,कबीर खान, विकी मल्होत्रा ,राजू अशा अनेक जणाना जिवंत करण्याराला आपला सलाम!  आणि करियरची २५ वर्ष पूर्ण केल्याबद्दल फ़ुल्ल्ल अभिनंदन! 

आता नेटफ्लिक्स वर कभी हा कभी ना एचडी आला आहे... तो तडीक लावतो  :)